پی ایس ایل 9: کیا لاہور قلندرز کے پلے آف میں کوالیفائی کرنے کیلئے کوئی امید کی کرن ہے؟
لاہور: دفاعی چیمپئن لاہور قلندرز پاکستان سپر لیگ (پی ایس ایل) کے جاری نویں سیزن میں اپنے تمام چھ میچوں میں شکست کے بعد ختم ہونے کے دہانے پر ہے۔ فی الحال پوائنٹس ٹیبل پر سب سے نیچے کی جگہ پر موجود دو بار کی چیمپئن کا مقابلہ 2 مارچ کو پنڈی کرکٹ اسٹیڈیم میں بابر اعظم کی پشاور زلمی سے ہونا ہے۔ لاہور کو پلے آف کی دوڑ میں رہنے کے لیے باقی چاروں میچوں میں فتح حاصل کرنا ہوگی جس میں کل آٹھ پوائنٹس ہوں گے۔تاہم اگلے مرحلے میں جانا آسان نہیں ہوگا کیونکہ ان کا انحصار دوسرے میچوں میں بھی سازگار نتائج پر ہوتا ہے۔ عام طور پر فائنل فور تک پہنچنے کے لیے کم از کم دس پوائنٹس درکار ہوتے ہیں جو اب لاہور کی پہنچ سے باہر ہے۔ پی ایس ایل کی تاریخ میں ایک مثال ایسی ہے جب اسلام آباد یونائیٹڈ 2022ءکے سیزن میں آٹھ پوائنٹس کے ساتھ چوتھے نمبر پر رہنے میں کامیاب رہی اور پلے آف میں اپنی جگہ مستحکم کی۔چیلنجنگ منظر نامے کے باوجود لاہور نے امید برقرار رکھی ہے کیونکہ کراچی کنگز، اسلام آباد یونائیٹڈ اور پشاور زلمی نے ابھی تک چھ میچ نہیں کھیلے ہیں۔ اگر ان ٹیموں کو شکستوں کا سامنا کرنا پڑتا ہے تو ممکنہ مواقع پیدا ہو سکتے ہیں لیکن لاہور کو اپنے سارے میچوں میں فتوحات حاصل کرنی ہوں گی۔ اپنے ساتویں گیم میں ایسا کرنے میں ناکام رہنے کے نتیجے میں وہ مقابلے سے باہر ہو جائیں گے۔ لاہور پی ایس ایل 9 کے باقی میچز میں 2 مارچ کو پشاور زلمی ،6 مارچ کو اسلام آباد یونائیٹڈ، 9 مارچ کو کراچی کنگز اور 10 مارچ کو کوئٹہ گلیڈی ایٹرز کے آمنے سامنے ہوگی۔
