انٹرا پارٹی الیکشن تسلیم نہ کریں تو پی ٹی آئی کا تنظیمی ڈھانچہ نہیں رہے گا، الیکشن کمیشن حکام

اسلام آباد: الیکشن کمیشن حکام نے کہا ہے کہ تحریک انصاف کے انٹرا پارٹی الیکشن تسلیم نہ کیے جائیں تو پی ٹی آئی کا تنظیمی ڈھانچہ نہیں رہے گا۔پی ٹی آئی انٹرا پارٹی الیکشن کیس کی سماعت ممبر سندھ نثار درانی کی سربراہی میں 3 رکنی کمیشن نے کی، جس میں چیئرمین پی ٹی آئی بیرسٹر گوہر پیش ہوئے۔ ممبر بلوچستان نے استفسار کیا کہ پی ٹی آئی کے الیکشن کیا چمکنی میں ہوئے تھے؟، جس پر بیرسٹر گوہر نے جواب دیا کہ نہیں جناب ، انتخابات اسلام آباد میں بھی ہوئے تھے۔بیرسٹر گوہر نے کہا کہ ہم نے دستاویزات جمع کروانی ہیں ایک ہفتے سے 10 دن تک کا وقت دیں۔دوران سماعت بینچ نے الیکشن کمیشن حکام سے سوال کیا کہ اگر پی ٹی آئی کے انٹرا پارٹی الیکشن کو ہم اب بھی تسلیم نہیں کرتے تو کیا مستقبل ہو گا؟، جس پر ڈی جی پولیٹیکل فنانس نے بینچ کو بتایا کہ پارٹی کا کوئی تنظیمی ڈھانچہ نہیں رہے گا۔ بینچ نے حکام کو ہدایت کی کہ آپ ہمیں اس پوائنٹ پر معاونت فراہم کریں۔بیرسٹر گوہر نے کہا کہ ہم بھی اس معاملے پر آپ کو معاونت دیں گے۔ انٹرا پارٹی الیکشن نہ کروانے پر الیکشن کمیشن جو کر سکتا تھا اس نے کر لیا۔ممبر کے پی کے نے استفسار کیا کہ اگر پی ٹی آئی کے انٹرا پارٹی انتخابات کو اب بھی تسلیم نہیں کرتے تو ہمارے پاس کیا کرنے کا اختیار ہے، جس پر ڈی جی پولیٹیکل فنانس نے بتایا کہ الیکشن ایکٹ کے سیکشن 208 کے تحت کارروائی ہو سکتی ہے۔ 2 انٹرا پارٹی انتخابات کے درمیان 5 سال کا وقفہ ہونا چاہیے تھا۔ ممبر کے پی کے نے کہا کہ آپ ابھی جواب نہ دیں مستقبل میں اس پوائنٹ پر ہماری معاونت کریں۔انٹرا پارٹی الیکشن کیس کی سماعت کے دوران چیئرمین پی ٹی آئی انتخاب کے لیے کاغذات نامزدگی مسترد ہونے کے خلاف درخواست گزار نوید انجم پیش ہوئے۔ انہوں نے کہا کہ میں پی ٹی آئی انٹرا پارٹی الیکشن لڑنا چاہتا تھا۔ میں نے الیکشن میں چیئرمین کے مقابلے میں کاغذات جمع کروائے جنہیں مسترد کر دیا گیا۔ ہماری اپیل کو بھی مسترد کر دیا گیا۔ اب ہم الیکشن کمیشن میں پیش ہوئے ہیں۔ ممبر الیکشن کمیشن نے کہا کہ آپ اپنی درخواست جمع کروائیں، اگلی سماعت پر آپ کو سنیں گے۔ دوران سماعت پی ٹی آئی چیرمین شپ کا ایک اور دعویدار سامنے آگیا، نوید انجم نامی شخص نے الیکشن کمیشن میں درخواست جمع کرادی، بدھ کو الیکشن کمیشن میں پی ٹی آئی انٹراپارٹی انتخابات کے حوالے سے کیس کی سماعت کے دوران نوید انجم نامی شخص الیکشن کمیشن کے سامنے پیش ہوا انہوں نے کہا کہ میں پی ٹی آئی انٹرا پارٹی الیکشن لڑنا چاہتا تھا اور میں نے انٹرا پارٹی الیکشن میں چئیرمین کے مقابلے میں کاغزات جمع کرائے تھے مگر میرے کاغذات کو مسترد کر دیا گیا اور اس کے بعد ہماری اپیل کو بھی مسترد کر دیا انہوں نے کہا کہ اب ہم الیکشن کمیشن پیش ہوئے ہیں اس موقع پر ممبر کمیشن نے کہا کہ اپ اپنی درخواست جمع کرائیں اگلی سماعت پر آپ کو سنیں گے اس موقع پر بیرسٹر گوہر علی خان نے کہا کہ ان کے کاغذات تو مسترد ہو گئے تھے کمیشن نے درخواست گزار نوید انجم کو 2 اکتوبر کی تاریخ دیدی۔بعد ازاں الیکشن کمیشن نے پی ٹی آئی کو دستاویزات جمع کروانے کے لیے مہلت دیتے ہوئے سماعت 2 اکتوبر تک ملتوی کردی۔بعدازاں میڈیا سے بات چیت کرتے ہوئے بیرسٹر گوہر علی خان نے کہا کہ آج الیکشن کمیشن سے 2 اکتوبر کی تاریخ ملی ہے ہم نے کمیشن کو کہا تھا کہ ایف آئی اے کو لکھ دیں انہوں نے کہا کہ آپ لوگ خود ہی لکھیں اور ہم نے دستاویزات کی فراہمی کے لئے درخواست لکھی ہے انہوں نے کہا کہ پی ٹی آئی نے بہترین انٹرا پارٹی انتخابات کرائے تھے اور کسی نے بھی اعتراضات نہیں کیے اور الیکشن کمیشن نے بھی صرف آئینی اعتراضات اٹھائے تھے انہوں نے کہا کہ ہمارا سٹرکچر موجود ہے اور سپریم کورٹ میں درخواست دائر کی تھی جس پر سپریم کورٹ نے اپنے فیصلے میں تمام آزاد امیدواروں کو پی ٹی آئی کے امیدوار قرار دیا تھا اور ہمیں امید ہے کہ الیکشن کمیشن بھی ان کے نوٹیفیکیشن جلد جاری کردے گا