وزیراعلیٰ بلوچستان میر سرفراز احمد بگٹی نے وزارت اعلیٰ کے منصب کا حلف اٹھایا

کوئٹہ:گورنر ہاوس کوئٹہ میں ہفتہ کے روز ایک سادہ مگر پروقار تقریب منعقد ہوئی جس میں نومنتخب وزیراعلیٰ بلوچستان میر سرفراز احمد بگٹی نے وزیراعلیٰ بلوچستان کے منصب کا حلف اٹھایا۔گورنر بلوچستان ملک عبدالولی خان کاکڑ نے نومنتخب وزیراعلیٰ بلوچستان میر سرفراز احمد بگٹی سے حلف لیا. تقریب حلف برداری میں پاکستان پیپلزپارٹی کے چیئرمین بلاول بھٹو زرداری، اسپیکر بلوچستان اسمبلی کیپٹن (ر) عبدالخالق اچکزئی، ڈپٹی اسپیکر غزالہ گولہ، اراکین صوبائی اسمبلی بلوچستان، اعلیٰ سول حکام سمیت مختلف سیاسی جماعتوں کے قائدین اور سیاسی کارکنوں کی ایک بڑی تعداد موجود تھی۔